കാറോട്ട മത്സര ടീമിൽ UCE യിലെ പൂർവ്വവിദ്യാർത്‌ഥി

"മിസ്, ഈ വെള്ളിയാഴ്ച ഇവിടുത്തെ എന്റെ അവസാന ദിവസമാണ്. തിങ്കളാഴ്ച ഞാൻ ഒരു Racing team ൽ ചേരുകയാണ്. അന്ന് കണ്ടപ്പോൾ Racing team ആണ് എന്റെ ലക്ഷ്യം എന്ന് ഞാൻ പറഞ്ഞിരുന്നു. ഓർമ്മയുണ്ടോ?" അരവിന്ദ് ചോദിച്ചു. 

മുൻപ് കണ്ടപ്പോൾ, വളരെ പ്രശസ്തമായ Aston Martin എന്ന കാർ നിർമ്മാണ കമ്പനിയിലാണ് അരവിന്ദ് ജോലി ചെയ്തിരുന്നത്. അപ്പോൾ പോലും Racing teamൽ ചേരുന്നതിനെക്കുറിച്ചാണ് അരവിന്ദ് പറഞ്ഞത്. 

ഞാൻ കാറോട്ട മത്സരം (Car Racing) ടിവിയിൽ കണ്ടിട്ടുണ്ട്. കാറുകൾ വട്ടത്തിൽ കറങ്ങുന്നതും, ചിലപ്പോൾ ട്രാക്കിൽ നിന്ന് തെറിച്ച് വീണു അപകടമുണ്ടാകുന്നതുമൊക്കെയാണ് ഞാൻ കണ്ടിരിക്കുന്നത്. 

"അത്രയ്ക്ക് ഭ്രമമാണോ കാർ ഡ്രൈവിങ്ങും റേസിംഗും? ഭയങ്കര അപകട സാധ്യതയില്ലേ?" ഞാൻ ചോദിച്ചു.

അരവിന്ദ് പറയുമ്പോളാണ് മനസിലാകുന്നത്, മത്സരത്തിൽ പങ്കെടുക്കുന്നത് ഒരു ഡ്രൈവറും ആ കാറും മാത്രമല്ല, മറിച്ച് ഒരു സംഘം, അതായത് കാർ നിർമ്മാണ കമ്പനി തന്നെയാണെന്ന്. മത്സരങ്ങൾ  നടക്കുമ്പോൾ supporting ഗ്രൂപ്പിൽ ആണ് അരവിന്ദ് ജോലി ചെയ്യുന്നത്. Team/Constructor എന്ന് പറയുന്നത്, Engine, Chassis, ഇവ നിർമ്മിക്കുന്ന കമ്പനികളാണ്. മത്സരങ്ങളിൽ ഡ്രൈവർക്കും ടീമിനും പോയിന്റസ് ഉണ്ട്. അതായത്, കാറോട്ട മത്സരം ഒരു വ്യക്തിഗത മത്സരം എന്നതിൽ ഉപരി ഒരു team sports ആണ്. 

ഒരു racing teamന്റെ ഉത്തരവാദിത്തം കാറിന്റെ വിവിധ ഭാഗങ്ങളുടെ രൂപകൽപന മുതൽ തുടങ്ങുന്നു. പിന്നീട് നിർമ്മാണം, കേടുപാടുകൾ പരിഹരിക്കൽ, ശമ്പളം, transportation , ഇവയെല്ലാം teamന്റെ മേൽനോട്ടത്തിൽ ആയതിനാൽ ആയിരക്കണക്കിന് കോടി രൂപയുടെ ബിസിനസാണ് ഈ മേഖലയിൽ ഉള്ളത്.

സ്വപ്ന സാക്ഷാത്കാരം 

പഠനകാലത്ത് സ്പോർട്സ് ക്ലബ് സെക്രട്ടറി എന്ന നിലയിലായിരുന്നു അരവിന്ദിനെ ഞാൻ ശ്രദ്ധിച്ചത്. സ്പോർട്സ് പ്രവർത്തനങ്ങൾ ഏകോപിപ്പിക്കാനുള്ള നിരന്തര ശ്രമങ്ങൾ. അന്നത്തെ സ്പോർട്സ് താത്പര്യം വെറുതെ ആയിരുന്നില്ല. വളര ആത്മാർത്ഥ താത്പര്യം തന്നെ. അതുകൊണ്ടാണ്, സ്പോർട്സും തന്റെ പഠനവിഷയവുമായി ബന്ധപ്പെട്ട പ്രൊഫഷൻ തന്നെ തിരഞ്ഞെടുത്തിരിക്കുന്നത്. BTech EC കഴിഞ്ഞ്, അരവിന്ദ്, UK യിലെ Brunel യൂണിവേഴ്സിറ്റിയിൽ നിന്ന് . Motorsport Engineering പൂർത്തിയാക്കി. പിന്നീടാണ് Formula E Racing Team ആയ Williams Advanced Engineering ൽ ചേർന്നത്. ലോകത്ത് നിലവിലുള്ള 11 Racing ടീമുകളിലെ ഏക മലയാളിയാണ് അരവിന്ദ്.

"അഭിനന്ദനങ്ങൾ അരവിന്ദ്, സ്വപ്നത്തെ പിന്തുടർന്നതിന്; സ്വപ്നം സാക്ഷാത്കരിച്ചത്തിനും."

ഇത് ഇവിടെ എഴുതുന്നത് ബാക്കി വിദ്യാർത്ഥികൾക്ക് കൂടി പ്രചോദനമാവട്ടെ എന്ന് കരുതിയാണ്, Electronics മാത്രമല്ല, Electrical, Polymer, Computer എന്നീ വിഭാഗങ്ങളിലെ വിദ്യാർത്ഥികൾക്കും താത്പര്യമുണ്ടെങ്കിൽ പരിഗണിക്കാവുന്ന വളരെ thrilling ആയ ഒരു തൊഴിൽ മേഖലയാണ്. 

കാറോട്ട മത്സരത്തെക്കുറിച്ച് ചുരുക്കത്തിൽ 

ആദ്യമേ അറിയേണ്ടത്, Sports കാറും സാധാരണ യാത്രയ്ക്കുള്ള Touring കാറും തമ്മിലുള്ള വ്യത്യാസമാണ്. Sports Car അതിന്റെ പെർഫോമൻസിനു പ്രാധാന്യം കൊടുക്കുന്നു. എന്നാൽ, Touring കാറിൽ പെർഫോമൻസിനൊപ്പം അതിലെ സൗകര്യങ്ങൾക്കും ആഡംബരങ്ങൾക്കും പരിഗണനയുണ്ട്. 

മത്സരങ്ങൾ Sports Car, Formula One, Formula-E ഇങ്ങനെ പല വിഭാഗത്തിലുണ്ട്. സ്പോർട്സ് കാർ സാധാരണ ഉയരം കുറഞ്ഞ്, രണ്ടു സീറ്റും Enclosed wheel ലും  വാഹനങ്ങളാണ്. Formula-1 മത്സരങ്ങൾ ആവട്ടെ, ഒരു സീറ്റും, Open Wheel ലും ഉള്ള hybrid  കാറുകൾക്കാണ്. Hybrid എന്ന് പറയാൻ കാരണം ഇവയിൽ ഇന്ധനവും ബാറ്ററിയും ഉപയോഗിക്കാനുള്ള സംവിധാനം ഉള്ളതിനാലാണ്. Ferrari, Mercedes, Red Bull, McLaren, Alpine, Williams. ഇവയാണ് പ്രധാന Formula-1 ടീമുകൾ. മത്സരാർത്ഥികൾ പാലിക്കേണ്ട നിയമങ്ങളാണ് Formula എന്ന വാക്കുകൊണ്ട് ഉദ്ദേശിക്കുന്നത്.

അതേ സമയം, Formula-E മത്സരങ്ങൾ ഇലക്ട്രിക് കാറുകൾക്ക് മാത്രമാണ്. പ്രധാന Formula-E ടീമുകൾ ഇവയാണ്. Jaguar, Porsche, Nissan, NIO, Mahindra.  

സാധാരണ ഓട്ട മത്സരങ്ങളിൽ വേഗതയ്ക്കാണ് പ്രാധാന്യം. ആദ്യം എത്തുന്നത് ആര് എന്നതാണ് ചോദ്യം. കാറോട്ട മത്സരത്തിലും വേഗത പ്രധാനം തന്നെ. എന്നാൽ അതിനൊപ്പം മറ്റു ചില ഘടകങ്ങൾ കൂടി പരിഗണിക്കും. വാഹനത്തിന്റെ endurance (നല്ല പെർഫോമൻസ്എത്ര സമയം), reliability, strategy etc.

ദൈർഘ്യമേറിയ മത്സരങ്ങൾ പല രാജ്യങ്ങളിലാവും പൂർത്തിയാകുന്നത്; ചിലപ്പോഴൊക്കെ പല ഭൂഖണ്ഡങ്ങളിലും !!!  ഇത്തരം മത്സരങ്ങളിൽ ഇടയ്ക്ക് ഡ്രൈവർ മാറും. അതുപോലെ സങ്കീർണ്ണമായ pit strategyയും ഉണ്ടാവും. 

സ്പോർട്സ് കാർ നിർമാണത്തിൽ അതിന്റെ body work, എൻജിൻ, ടയർ, aerodynamics,  എന്നിവയെ സംബന്ധിച്ച് കൃത്യമായ മാർഗ്ഗ നിർദ്ദേശങ്ങളുണ്ട്. തീർച്ചയായും വാഹനത്തിന്റെ വേഗതയെ ബാധിക്കുന്ന പ്രധാന ഘടകമാണ് അതിന്റെ ടയർ ഡിസൈൻ. കൂടാതെ, ടയറിന്റെ ഉപയോഗത്തിലും ചില നിബന്ധനകൾ ഉണ്ട്. ഉദാഹരണത്തിന്, വാരാന്ത്യ മത്സരത്തിൽ ഒരു ഡ്രൈവർക്കു പരമാവധി ഉപയോഗിക്കാവുന്ന Dry Weather ടയറുകൾ 13 സെറ്റ് ആണ്. അതുപോലെ, 4 സെറ്റ് .Intermediate ടയറും, 3 സെറ്റ് Wet Weather ടയറും. 

ഭാരക്കുറവ്, ദൃഢത, ബലം എന്നിവ ഉറപ്പാക്കാൻ Chassis നിർമ്മിക്കുന്നത് Carbon Fibre Reinforced Composite ഉപയോഗിച്ചാണ്.